«Қызыл-Жардың» бас бапкері Әли Әлиев Қазақстан кубогінің бірінші турында «Каспийге» қарсы өткен ойынға (1:1) қатысты пікір білдірді:
– Ақтау – өте қонақжай қала. Қазақстан кубогі мен ел чемпионатын өткізетін барлық қалаларымыз сияқты. Мұнда тек жақсы стадион салу ғана қалды. Жанкүйерлер мен команда Премьер-лиганың деңгейіне сәйкес келеді, сондықтан бұл клуб алдына қойған үлкен мақсаттарына жете алады. «Каспий» - жеткілікті түрде дайындалған команда. Ойыннан кейін бас бапкер Николай Костовпен сөйлескен сәттеріміз де болды. Алаң комбинациялық, жылдам және қызықты футбол ойнауға кедергі келтіреді.
Ойынға келетін болсақ, біз аздап эксперименттік құрамды шығардық. Мен аз ойнап жүрген футболшыларды тексеріп, қорғаныста қалай ойнайтынын көргім келді, өйткені хорваттармен болатын ойынға дайындалу керек. Біз бұл команданың күшін білеміз, сондықтан қорғаныста белгілі бір өзгерістер жасадық.
Екі команданы Қазақстан кубогінің басталуымен құттықтаймын және екі командаға да топтан шығып, болашақта жақсы жетістікке жетуіне тілектеспін.
Біздің серіктес: FONBET
