“Қайрат” футбол клубының иесі Қайрат Боранбаев Алматыда салынатын жаңа стадион жобасына қатысты жаңалықпен бөлісті.
Кәсіпкердің айтуынша, 35 мың көрерменге арналған жаңа аренаның жобасы толық дайын, ал құрылыс жұмыстары жаңа жылдан кейін басталмақ.
“Жобаны әзірлеу аяқталды. Қазір барлық рұқсаттар дайындалып жатыр. Құрылыс жұмыстарын жаңа жылдан кейін бастаймыз.” – деді Боранбаев.
Сонымен қатар ол жаңа арена Алматы әуежайының маңында салынатынын атап өтті.
