Туриндік «Ювентус» ресми сайтында «Атлетико Мадрид» шабуылшысы Альваро Моратаны алғаны туралы жариялады. Клуб 27 жастағы испаниялық футболшыны бір маусымға жалға алды, тағы бір жылға ұзарту мүмкіндігі де қарастырылған.
Бұған дейін, италиялық клуб ойыншыны жалға алғаны үшін 9 миллион еуро төлейтіні хабарланған болатын. Естеріңізге сала кетейік, шабуылшы «Ювентус» сапында 2014-2016 жылдар аралығында ойнаған.
Мората "Атлетикоға" 2019 жылдың қаңтарында «Челсиден» жалға ауысып келген еді. 2020 жылдың жазында Мадридтік клуб шабуылшыны сатып алды. Трансфер құны 56 миллион еуроны құрады.Өткен маусымда Мората Испания чемпионатының 34 ойынына қатысып, 12 гол соғып, 2 нәтижелі пас берген. Футболшының «Атлетикомен» келісімшарты 2023 жылдың жазына дейін жасалған.
Біздің серіктес: FONBET
