instagram: araznaxcivanpfc
Астаналық "Жеңістің" бұрынғы бас бапкері Андрей Демченко мансабын Әзербайжан чемпионатында жалғастыратын болды, деп хабарлайды Aladop.kz.
"Араз" клубы тәжірибелі Украиналық маманмен ресми түрде келісімшартқа отырғанын хабарлады.
Келісімшарттың егжей-тегжейі
Тараптар арасындағы келісім 2025/26 маусымының соңына дейін жасалған. Сондай-ақ, егер бапкердің жұмысы клуб басшылығының көңілінен шықса, келісімшартты тағы бір жылға ұзарту мүмкіндігі қарастырылған.
"Жеңістегі” жетістіктері
Демченконың Қазақстандағы еңбегі жанкүйерлер мен мамандар тарапынан жоғары бағаланған болатын. Оның жетекшілігімен "Жеңіс" клубы:
• Қазақстан Премьер лигасында 6-шы орынға тұрақтады,
• Қазақстан Кубогының жартылай финалына дейін жетіп, сенсация жасады.
Демченконың тактикалық сауаттылығы мен команданы қысқа мерзімде жинақтай білу қабілеті оның халықаралық деңгейде сұранысқа ие болуына септігін тигізеді. Енді бапкер Әзербайжан біріншілігінде бақ сынамақ.
