Андрей Шевченко «Дженоа» клубының бас бапкері атанды

Украиналық маман Андрей Шевченко италиялық «Дженоаның» бас бапкері қызметіне тағайындалды. Бұл туралы клубтың ресми сайтында хабарланды.

Бұған дейін украиналық маманның италиялық клубпен 2024 жылға дейін келісім-шартқа отыратыны хабарланған болатын. Шевченко жылына 2 миллион еуро жалақы алатын болады. Мауро Тассотти оның көмекшісі болып тағайындалды. Еске салайық, «Дженоаны» бұған дейін Давиде Баллардини жаттықтырған еді.

Дәл қазір «Дженоа» 12 кездесуде 9 ұпай жинап, Италия чемпионатының турнирлік кестесінде 15-ші орында тұр.