27 қазанда ҚФФ Бақылау-тәртіптік комитетінің отырысы өтті. Отырыста төмендегідей шешімдер қабылданды:
Olimpbet-Қазақстан Чемпионатының XXV туры
"Қайрат" – "Астана"
Көрермендерге қатысты жөнсіз әрекет істегені үшін Тәртіптік регламенттің 53-бабына сәйкес «Астана» командасының ойыншысы Тигран Барсегян бір айға ҚФФ және ҚКФЛ ұйымдастыруымен өтетін ойындардан шеттетілді. Жаза мерзімі 2021 жылдың 25 қазанынан бастап есептеледі.
Команданың мінез-құлқы үшін және «Fair Play» қағидасын бұзғаны үшін, ойыншылардың матчтың ресми өкілінің рұқсатынсыз футбол алаңынан шығып кетуі, қарсыласқа, матчты ұйымдастырушыға, матчтың ресми тұлғаларына, көрермендерге құрметсіздік танытқаны үшін Тәртіптік ереженің 53-бабына сәйкес «Астана» командасының бас бапкері Андрей Тихонов ҚФФ және ҚКФЛ ұйымдастыратын жарыстардан жиырма төрт айға шеттетілді. Жаза мерзімі 2021 жылдың 25 қазанынан бастап есептеледі.
"Тараз" – "Ордабасы"
Көрермендердің әдепсіз сөздер айтып, жөнсіз мінез көрсеткендері үшін Тәртіптік регламенттің 63-бабының 1-тармағына сәйкес "Тараз" ФК 100 АЕК мөлшерінде, яғни 291 700 (екі жүз тоқсан бір мың жеті жүз) теңге айыппұл арқалады. "Тараз" ФК айыппұлды 2021 жылдың 27 қарашасына дейін төлеуі тиіс
Біздің серіктес: FONBET
