Өткен жылғы біріншілік коронавирусқа байланысты соңына дейін аяқталмай қалды. Жарыс ұйымдастырушылары турнирлік кесте сол сәтте қалай тұрды, сол күйі жарысты да аяқтады. "Ақтөбе" екінші орында тұрғандықтан Чемпиондар лигасына қатысу құқығына ие болды. Сол кезде "Аят" командасының басшылығы шағым түсіріп, "Ақтөбенің" Чемпиондар лигасына қатысуына қарсы шықты. Бірақ, барлығы да әділ түрде шешіліп, ақтөбеліктер еурокубокке қатысатын болып шешілді. Енді осы екі команда Қазақстан кубогының жартылай финалында кездесті. "Ақтөбе" "Аятты" 3:1 нәтижесімен сенімді түрде жеңді.
Финал 11-қазан күні сағат 12-00-де өтеді. "Ақтөбеге" қарсылас болып "Қайрат" - "Жетісу" арасындағы жартылай финалдың жеңімпазы түседі.
Біздің серіктес: FONBET
