Қазақстан чемпионатының 15-турындағы «Ақжайық» - «Ордабасы» ойынынан кейін оралдық клуб сапынан төрт ойыншы кетті, деп хабарлайды Meta-ratings.kz.
«Ақжайық» клубының басшылығы қақпашы Константин Махновскийді, жартылай қорғаушылар Артур Газданов пен Мате Црнчевичті, сондай-ақ шабуылшы Игорь Карпенконы қажет етпейтінін хабарлады.
33 жастағы Константин Махновский оралдық клуб сапында небәрі үш матч өткізсе, ресейлік жартылай қорғаушы Газданов 13 ойынға қатысып, бір нәтижелі пас берген. Украиналық шабуылшы Карпенко 10 кездесу өткізді, ал хорватиялық Мате Црнчевич Премьер-лиганың 6 ойынында ғана алаңға шықты.
Біздің серіктес: FONBET
