Германияның үшінші дивизионында өнер көрсететін “Арминия Билефельд” клубы DFB-Pokal жартылай финалында Бундеслиганың қазіргі чемпионы “Байер Леверкузенді” 2:1 есебімен сенсациялық түрде жеңіп, алғаш рет турнирдің финалына шықты.
Матчта “Байер Леверкузен” 17-минутта Джонатан Таның голымен есеп ашты. Алайда, “Арминия” тез арада Мариус Вёрлдің голымен теңестіріп, бірінші таймның қосымша уақытында Максимилиан Гроссердің соққысымен жеңісті қамтамасыз етті.
“Арминия Билефельд” осы маусымда DFB-Pokal турнирінде төртінші рет Бундеслига командаларын жеңіп отыр. Финалда олар 24 мамырда “Штутгарт” немесе “РБ Лейпциг” командаларының бірімен кездеседі.
Егер “Арминия” финалда жеңіске жетсе, олар 2025-2026 жылғы маусымда Еуропа лигасына тікелей жолдама алады.
Бұл жеңіс Германия футболының тарихындағы ең үлкен сенсациялардың бірі ретінде бағалануда, себебі үшінші дивизион командасының мұндай жоғары деңгейдегі жетістігі сирек кездеседі.
Өнер Айболат
Біздің серіктес: FONBET
