Бүгін шағын футболдан "Ақтөбе" командасын Қазақстан ұлттық құрамасының ойыншысы – Арнольд Кнауб толықтырды.
Қарағандының түлегі соңғы 4 маусым бойы талдықорғандық "Жетісу" командасында өнер көрсеткен болатын. Тәжірибелі ойыншы "Ақтөбе" клубымен маусым соңына дейін келісімшартқа отырды.
26 жастағы Кнауб футзалдан Қазақстан чемпионатының осы маусымында "Жетісу" үшін 23 кездесуге қатысып, 14 голдың авторы атанды. Қазақстан құрамасы сапында Венгрияға қарсы өткен соңғы кездесуде екі голмен көзге түсті.
Біздің серіктес: FONBET
