"Алашкерттің" бас бапкері Александр Григорян Еуропа лигасының үшінші іріктеу кезеңіндегі "Қайратқа" (3:2) қарсы өткен қарымта ойын туралы пікір білдірді.
- "Рейнджерс", Стивен Джеррард. Бұл сіздің бапкерлік мансабыңыздың шыңы ма?
- Әрине, "Рейнджерске" қарсы ойнау біз үшін үлкен оқиға болғалы тұр. Мен "Қайратты" жеңген жағдайда, Чемпиондар Лигасындағы "Мальмё" - "Рейнджерс" жұбының жеңілгенімен ойнайтынымызды білетінмін. Мен қазақстандық клубпен болатын ойынға дайындалып жатқанда, қызығушылық танытып, олардың қарымта ойынын тамашаладым. Шотландиялықтардың ойыны ұнады! Джеррард команданы қызықты етіп құрды. Ресейде "Рейнджерспен" тек "Зенит" қана күресе алады.
- Тіпті "Рейнджерске" ұтылсаңыз да, командаңыз Конференция Лигасының топтық кезеңіне өтеді. Ешқандай армениялық клуб еурокубок бәсекесінде мұндай кезеңге жеткен емес!
- Тоқтай тұрыңыз! Джеррард - менің сүйікті футболшым, бірақ мен одан жеңілуге дайын емеспін. Жалпы, еурокубоктік ойындардан өте керемет тәжірибе жинақталады. Біз "Манчестер Ситидің" бұрынғы капитаны Моррисон жаттықтыратын Уэльс чемпионын ұттық. Олар осы маусымда ауттан 8 гол соқты! Ескі британдық стиль сақталған екен. Содан кейін "Шерифпен" кездестік. Молдованың командасы, бірақ бұл клуб еуропалық деңгейге лайықты. Ал "Қайрат" ше? Бірінші матчтан кейін мен Вагнер Лав туралы айттым, бірақ бұл жолы ол аз ойыншымен ойнағанына қарамастан, одан да күшті әсер қалдырды. Мен бір нәрсені анық айта аламын: РПЛ-де мұндай ойыншы жоқ! Және, әрине, атмосфера керемет болды: Ереванда стадион қайта толды. Бізге осы жетіспеген еді.
Біздің серіктес: FONBET
