Жалпыұлттық социал-демократиялық партия жетекшісі Асхат Рахымжанов "Қайрат" – "Реал" арасындағы кездесудің билеттері барлығына қолжетімді болуы тиіс деп есептейді.
Саясаткер билеттің бағасын шектеп, қымбаттап кетуіне жол бермеуді ұсынды:
“Делдал мәселесі бар, өзім де талай рет соған тап болдым. Бұл біздің ұлттық, спорттық намысымызға қатысты оқиға. Мұнда моральдық қағида алдыңғы орынға шығуы тиіс.” – деді ол.
Рахымжановтың пікірінше, билеттерді әділ тарату үшін мемлекеттік органдар араласуы қажет:
"Бір адамға бір билеттен ғана сататын ереже енгізу керек шығар. Құқық қорғау органдары мен әкімдікті де қосу қажет болуы мүмкін. Өйткені бұл Қазақстан футболы тарихындағы маңызды матч.” – деп атап өтті ол.
Ол билет құнын 10 мың теңгеден асырмауды, ал балаларға мүлдем тегін кіруді ұсынды:
"Шығынды жабу үшін символикалық баға қоюға болады. Бірақ 10 мыңнан аспауы керек, ал идеал баға – 5 мың теңге. Балаларды тегін кіргізу керек, олар ең үлкен жанкүйерлер.” – деді саясаткер.
