"Астана" академиясы салынады" деген жаңалық нақты емес болып шықты.
"Биыл көктемнен бері белгілі болғандай, елордада академияның құрылысын BI Group құрылыс холдингі А. Омаровтың қолдауымен жүргізіп келеді. Клуб басшылығы бұл нысанның "Астананың” емес, аталған холдингтің бастамасы екенін растаған. Жоба аяқталған соң, нысандар уақытша түрде "Астана” футбол клубының сенімді басқаруына берілмек. Алайда, бұл басқару мерзімі нақты көрсетілмеген.
Клубтың өз қаражатын (яғни, мемлекеттік қолдауға негізделген қаржыны) академия салуға емес, шетелдік футболшыларды шақыруға жұмсап жатқаны белгілі болды. Кейбір легионерлердің айлық жалақысы 10 миллион теңгеден асады, бірақ мұндай шығындар ел ішіндегі жарыстарда күткен нәтиже бермей отыр.
Академия құрылысы – "Астананың" емес, жеке компанияның бастамасы болғандықтан, клубтың бұл істе еңбегі жоқ деуге болады. Осы тұрғыдан алғанда, "Астана" басшылығының мақтанып, жетістік ретінде көрсетуі қисынсыз. Клуб осыған дейін де жылдар бойы мектептердің спорт залдарын жалға алып келгені белгілі.
Қазіргі таңда клубтың меншігінде бірде-бір спорт нысаны жоқ, тек ескі автобус қана тіркелген. Сондықтан "Астана" басшылығының осындай жаңалық арқылы бедел жинауға тырысуы қоғам тарапынан сынға ұшырап отыр.
Футбол жанкүйерлері мен сарапшылардың пікірінше, клубтың нағыз дамуы — стадион немесе академия салумен емес, жүйелі жұмыс пен өз жастар саясатын дамытуға бағытталған нақты істермен өлшенуі тиіс.” – деп жазды Гол емес! телеграм арнасы.
