“Астана” - “Атырау” : Мұнайшылардың қорғанысы елордалықтардың екпініне шыдай ма?

Бұл матч туралы Қазақстан құрамасының бұрынғы ойыншысы, белгілі футбол маманы Евгений Аверченко Sports.kz сайтында өз болжамымен бөлісті.

Маманның пайымдауынша, “Астана” өткен турдағы сәтсіздіктен кейін жанкүйерлерінің алдында ақталуға тиіс. “Елімаймен” болған ойында басымдыққа ие болғанымен, елордалық клуб жеңісті қолдан шығарып алған еді.

“Меніңше, бұл жолы “Астана” жеңіске жетеді. “Елімайға” қарсы ойында олар өте сапалы футбол көрсетті, бірақ үш ұпай бұйырмады. Енді Мұнайшылармен өтетін кездесуде сол қателіктің орнын толтыруы керек.” — дейді Аверченко.

Дегенмен, Атыраудан келген қонақтар оңай шағылатын жаңғақ емес. Евгений Аверченко “Атыраудың” қорғаныс шебіндегі жинақылығын ерекше атап өтті.

“Атырау” қорғаныста өте сауатты ойнайды. Олар “Астанаға” көп мүмкіндік бере қоймасы анық. Десе де, менің болжамым — “Астананың” минималды жеңісі.” — деп түйіндеді сөзін маман.