«Астана» екі футболшысын жалға бермекші

"Астана" екі жас футболшысын жалға беруді жоспарлап отыр, деп хабарлады Айдын Қожахмет өзінің телеграм-арнасында.

Қорғаушы Талғат Кусяпов пен шабуылшы Рамазан Каримов командадан кетеді, бас бапкер Андрей Тихонов оларға сенім артпады. Екеуіне де басты үміткер - "Каспий" клубы.

Өткен маусымда Каримов "Каспий" сапында жазға дейін жалдау шарты бойынша ойнады, содан кейін елордалық клуб оны командаға қайта шақырды. Кусяпов - "Каспийдің" түлегі. Өткен жылы ол "Оқжетпестің" намысын қорғады, бірақ көкшетаулық клубта мүлдем ойнаған жоқ.