“Астана” - еурокубокте 100 ойын

“Астана” Еурокубоктегі дебюттық кездесуін 2013 жылы болгариялық Ботевке қарсы өткізді. Содан бері 11 жылда “сары-көктер” шетелдік ұжымдармен 100 кездесуде бақ сынасты. Барлық қазақстандық командалар еурокубоктерде жалпы алғанда 360 ойын өткізген екен.

Еурокубокте көп ойын өткізген қазақстандық командалар:

1. “Астана” - 100 матч;

2. “Қайрат” - 54;

3-4. “Ақтөбе” - 52;

3-4. “Тобыл” - 52;

5. “Шахтер” - 36;

6. “Ордабасы” - 21;

7. “Ертіс” - 18.

“Астана” командасының еурокубоктегі ең үздік нәтижесі 2017/18 жылғы маусымда тіркелді. Онда Станимир Стойлов жігіттері Еуропа Лигасының топтық кезеңінде топ жарып, 1/16 финалға жолдама алды. Елордалық ұжым өз тарихында сол сәтте ғана осындай көрсеткішке қол жеткізді.