Биылғы еурокубоктік турнирлерде сәтте өнер көрсетіп келе жатқан қазақстандық ұжым УЕФА-дағы позициясын жақсартты.
Еліміздің ең титулды ұжымы Конференция Лигасындағы кездесулерден кейін рейтингте 8 сатыға көтеріліп, 142 орынға жайғасты.
Елордалық ұжым бұл көрсеткіш бойынша бұрынғы совет одағы мемлекеттері ұжымдары арасында топ-10 команда тізіміне кірді.
Бұрынғы КСРО мемлекеттерінің УЕФА қауымдастығындағы үздік командалар тізімі:
“Шахтер” (Украина) – 50 орын ортақ рейтингте
“Карабах” (Әзербайжан) – 65
“Шериф” (Молдова) – 88
“Динамо” (Киев, Украина) – 115
“Жальгирис” (Литва) – 125
“Заря” (Украина) – 128
“Спартак” (Ресей) – 129
“Астана” (Қазақстан) – 142
“Днепр-1” (Украина) – 143
“Пюник” (Армения) – 145
Үшінші жыл еурокубоктік ойындардан шеттетілген ресейлік “Спартак” клубын елордалық команда қуып жетерліктей мүмкіндігі бар. Алайда ол үшін Бабаян шәкірттері швейцариялық “Лозаннаны” жеңіп, Конференция Лигасының топтық кезеңіне өтуі тиіс.
