Елордалық “Астана” Конференция Лигасының плей-офф сатысындағы қарымта кездесуінде норвегиялық “Браннан” басым түсті (3:0).
Конференция Лигасы, 2 ойын
“Астана” 3:0 “Бранн”
Голдар: Чинеду 61’, 81’, Кәрімов 90+1’
Еске салайық, аталған ұжымдар арасындағы алғашқы ойын Бранның пайдасына 2:0 есебімен шешілген болатын. Алайда соған қарамастан “Астана” еңсесін түсірмей керемет камбэк жасады.
Бүгінгі ойында жеңіске жетудің арқасында сары-көктер Конференция Лигасының топтық кезеңіне жолдама алды.
Естеріңізде болса, “Астана” 2023/24 жылғы маусымда Конференция Лигасының С-тобында бақ сынаған болатын. Енді міне екінші жыл қатарынан алып турнирдегі жорығын жалғастырып отыр.
