«Астананың» бапкері сырт алаңдағы жеңіліс жайлы: екі гол да қателіктеріміздің салдары

«Нәтижеге әрине де көңіліміз толмайды, өйткені біз тәуір өнер көрсетіп, жалпы қарсыласымыздан жаман көрінген жоқпыз. Алайда, жеңіске жету үшін өзіңдегі мүмкіндіктерді жүзеге асыру керек, ал бізде ондайдың 6-7 болды. Бірінші таймда біз қорғаныста 2-3 эпизодта өрескел қателесіп, салдарынан гол жібердік. Екінші тайм да солай, бірнеше мүмкіндікті мүлт жібергеннен кейін қарымта шабуыл, пенальти және - 0:2.

Қайталаймын, бізде мүмкіндіктер болды - доп екі рет қақпа бағанасына тиіп, футболшыларымыз қақпашымен үш рет бетпе-бет шығып гол сала алған жоқ. Бүгін алаңға шыққан ойыншылар жаман өнер көрсеткен жоқ, бірақ өз қателіктерінің зардабын тартты. Екі гол да қателіктеріміздің салдары», - деді қазақстандық маман.

Айта кетейік, Конференциялар Лигасынының екі турынан кейін «Астананың» қоржынында 3 ұпай. Елордалықтар бірінші турда сербиялық «ТСЦ» командасын ұтқан (1:0).