Ла Лиганың соңғы матчында мадридтік "Атлетико" "Вальядолидтен" басым түсті. Кездесу Вальядолидтегі "Хосе Соррилья" стадионында өтіп, 2:1 есебімен аяқталды.
"Валядолидтің" шабуылшысы Оскар Плано матчтың 18-минутында гол соқты. 57-минутта "Атлетико" шабуылшысы Анхель Корреа есепті теңестірді. Он минуттан кейін Луис Суарес жеңісті голды соғып, командасының чемпион атануына көмектесті.
"Атлетико Мадрид" 38 матчта 86 ұпай жинап, Испания чемпионатының турнирлік кестесінде ең басты қарсыласы "Реалдан" екі ұпайға озып, бірінші орынға ие болды. "Вальядолид" (31 ұпай) маусымды 19-шы орынмен аяқтап, Сегундаға ұшып кетті.
"Атлетико" өз тарихында 11-ші рет Испания чемпионы атанды (1939/1940, 1940/1941, 1949/1950, 1950/1951, 1965/1966, 1969/1970, 1972/1973, 1976/1977, 1995/1996, 2013/2014 , 2020/2021).
Біздің серіктес: FONBET
