Жазғы трансферлік үзіліс кезеңінде «Атырау» футбол клубы Доньет Шкодра, Петар Кунич және Виктор Грабкомен қош айтысты.
Доньет Шкодра отбасылық жағдайларына байланысты келісім-шартын мерзімінен бұрын бұзуға ниет білдірді. Бельгиялық жартылай қорғаушы «мұнайшылардың» сапында 9 ойын өткізді.
Петар Кунич клуб басшылығымен екі-жақты шешім бойынша келісім-шартын мерзімінен бұрын аяқтады. Ағымдағы маусымда босниялық шабуылшы 11 мәрте алаңға шығып, 1 голдың авторы атанды.
Виктор Грабко ойын тәжірибесін жинау мақсатында Қазақстан Чемпионатының бірінші лигасында өнер көрсететін «Мақтаарал» командасына жалға берілді. Жалдау мерзімі маусымның соңына дейін жалғасады.
Біздің серіктес: FONBET
