Азат Нұрғалиев: «Бұл жеңісті жанкүйерлерге арнаймыз»

Қостанайлық "Тобылдың" капитаны клуб жанкүйерлерін Суперкубок ойындарындағы жеңіспен құттықтады:

– Алдымен, бұл жеңісті барша Қостанай облысының тұрғындарына, жанкүйерлерге арнаймыз. Біздің әр қуанышымыз сіздердің қолдауларыңыздың арқасында. Рас, ойын оңайға соққан жоқ. Алаңның әр шебінде талас-тартыс жүрді. Ойын соңындағы пенальти лотореясында біздің жолымыз болды.

Намысты қолдан бермеген жігіттерге ризамын. Біз осы турнирдегі басты мақсатымызға жеттік. Тағы да жанкүйерлерімізді осынау жарқын жеңіспен құттықтаймыз!