Әзербайжанның "Қарабақ" клубы Чемпиондар лигасының плей-офф кезеңінде Ағылшындық "Ньюкасл Юнайтедтен" жеңіліп, турнирмен қоштасты, деп хабарлайды Aladop.kz.
Екі ойынның қорытындысы бойынша есеп 3:9 (1:6, 2:3) болып, Ағылшындардың басымдығымен аяқталды.
Opta Sport статистикалық агенттігінің мәліметінше, "Қарабақ” биылғы маусымда турнир тарихындағы ең жағымсыз антирекордты тіркеді. Жалпы кезеңдегі 8 матч пен плей-оффтағы 2 кездесуді қосқанда, Әзербайжандық ұжым өз қақпасына 30 гол өткізіп алған.
Бұл — Чемпиондар лигасының бір маусымында бір команда жіберіп алған ең көп гол саны. Бұған дейін турнир тарихында ешбір клуб бір маусым ішінде мұншалықты көп доп өткізбеген еді.
