Бәрі фактпен. Статистика алдамайды

Қазақстан Кәсіпқой лигасының ресми сайты бізге мынандай статистика ұсынып отыр. Қарап шолып шығайық та, өзіміз іштей ойланайық. 

Қандай жайттар тіркелді?

- 6 матчта 14 гол соғылды.

- 26 сары қағаз көрсетіліп, 3 футболшы алаңнан қуылды.

- «Астана» клубы осы маусымда ең көп 7 пенальти теуіп, оның төртеуін голға айналдырды.

- «Жеңіс» осы маусымда 3 мәрте жеңіске жетіп, барлық голдарын тек бірінші таймда соққан.

- «Жеңіс» араға 12 тур салып және шамамен 5 айдай уақыттан кейін 3 ұпай еншіледі.

- Барлық 6 кездесуде алаң иелері басым түсті.

- «Жетісу» клубы ғана осы турда бірде-бір тура соққы бағыттамады.

- «Ақтөбе» клубы 4 матчқа созылған сәтсіздік сериясын тоқтатты.

- «Елімайдың» жеңіс сериясы 4 матчқа жалғасып жатыр.

Айта кетейік, 18 қыркүйек күні сағат 19:00-де OLIMPBET QFL Премьер-лиганың кейінге шегерілген 15 тур ойыны өтеді. Қызылорда қаласындағы Ғани Мұратбаев атындағы стадионда «Қайсар» мен «Астана» кездеседі. Ал, 21-ші тур матчтары 21-22 қыркүйекке жоспарланған.