“Динамо” Мәскеу “Шанхай Шеньхуа” клубымен жолдастық кездесу өткізді.
Абу-Дабиде болған ойын 2:2 есебімен қос команданың тең тарқасуымен аяқталды. Номиналды алаң иелері саналған "Динамо" сапынан аталған матчта Бителло мен Игорь Сергеев бір-бір голды өз аттарына жазды. Ал қарсылас командада капитан Ву Хи мен бразилиялық Рафаэль Ратао жауап қатты. Алайда ойын соңындағы пенальтилер бәсекесінде Ресей ұжымының асығы алшысынан түсті (5:3).
Ендігі кезекте Ролан Гусев шәкірттерін 26 қаңтарда “Ченду Жунченмен” жолдастық ойыны күтеді.
Айта кетейік, отандасымыз Бақтиер Зайнутдинов әлі де жарақатынан кейінгі қалыпқа келу жұмыстарын жасауда. 27 жастағы жартылай қорғаушы алдағы 3 күннен кейін болатын кездесуге де қатыспай қалуы ғажап емес.
