Бапкер Пеп Гвардиола өзбек қорғаушысының жағдайына тоқталды

“Арсеналға” қарсы Премьер-лиганың 5-турында жарақат алған Хусанов өз командасының қатарынан 7 матчын өткізіп алған болатын. 

Бүгін “қалалықтар” командасының бапкері Пеп Гвардиола Өзбекстан құрамасының көшбасшысының жағдайына тоқталды.

• Хусанов дайын. Ол “Манчестер Ситидің” келе жатқан кездесуіне қатысады. Мен оны бірнеше минутқа алаңға шығаруды жоспарлап отырмын, - дейді бас бапкер.

“Манчестер Сити” 30 қазан күні Англия футбол Лигасының төртінші кезеңінде “Суонсимен” бақ сынасады. Абдуқодыр осы ойында төбе көрсетеді деп күтілуде.