Бақтиер Зайнутдиновтің соққан жалғыз голы Қазақстанға жеңіс сыйлады

16.11.2021 20:55 Ұлттық құрама

Бахаға Тәжікстан құрамасының қақпашысы көп көмектесті.

Бақтиер Зайнутдиновтің соққан жалғыз голы Қазақстанға жеңіс сыйлады

Бүгін Қазақстан құрамасы жолдастық кездесу аясында Тәжікстан құрамасын қабылдады. Матч "Астана Арена" стадионында өтіп, 1:0 есебімен алаң иелерінің пвйдасына аяқталды.

Ойынның 12-минутында Тәжікстан құрамасының қақпашысы Шохрух Киргизбоевтың қателігінен кейін Бақтиер Зайнутдинов ашық қақпаны дәл көздеп, есеп ашты. Жігіттер бұл голды жақында ғана дүние есігін ашқан Асхат Тағыбергеннің қызына арнады. 30-минутта Зайнутдинов есепті еселейтін мүмкіндікке ие болған еді. Бірақ оның тепкен добы қақпа бағанынан кері серпілді.

Екінші тайм алма-кезек шабуылдарға толы болды. 60-минутта Тәжікстан қақпасының маңында Зайнутдиновқа қарсы ойын тәртібі бұзылып еді. Бірақ кездесудің бас төрешісі пенальти белгілемеді.

Нәтижесінде Талғат Байсуфинов шәкірттері 1:0 есебімен жеңіске жетіп, 2021 жылды сәтті аяқтады.

1 пікір

  1. Серікбол Нақысбек

    Бақтиер соққан гол ма? Қақпашы соққан гол ма? 8-0 кейін жоқ дегенде 3 гол соғу керек еді. Бұл ойын нені дәлелдеді? Біздің футболшылар допты тебуді біледі, пас беруді біледі, алаңда 11 ойыншы ойнау керек екенін біледі. Бірақ, алаңда қай позицияда не істеу керек екендігін білетініне күмәнім бар. Шабуылшы емес, қорғаушылардың гол соғу көптеп байқалатын ел футболына "шабуылдаушы" деген пән ашып мектептерде оқыту керек. Әттең, тонның келтесі!