"Барселона" қысқы трансферлік терезе кезінде бірден алты ойыншыдан құтылуды жоспарлап отыр, деп хабарлайды Sport.es.
Кетуі тиіс футболшылардың тізіміне мыналар кіреді: Эктор Фирпо, Самуэль Юмтити, Матеус Фернандес және Мартин Брэйтуэйт. Фирпо клубтың бас бапкері Рональд Куманның жоспарына енбеген, оған Италиядан ұсыныстар келіп түсті. Мансабын "Интер" немесе "Наполиде" жалғастыруы мүмкін. Юмтити жалға кетеді, оған "Лион" мен "Рома" қызығушылық танытуда.
Куман Фернандеске сенбейді, бірақ жазда оның өкілдері клубтан кетуден бас тартқан болатын. Бразилиялықтың "Монако" командасына ауысу мүмкіндігі болды. Брэйтуэйт өз кезегінде Англиялық клубқа ауыса алады. Куман оның орнына Мемфис Депайды алғысы келеді. Мартинді қыста сатып алғандықтан жазда коронавирустық пандемияға байланысты командадан кетпеді.
Каталондықтар жас ойыншылар Карлес Аленья мен Рикардо Пучті де жалға беруді жоспарлап отыр. Премьер-лига мен А сериясының клубтары Карлеске қызығушылық танытуда, дегенмен ойыншы Ла Лигада қалғанды жөн көреді. Пуч "Порту" немесе "Бенфикаға" ауысуы мүмкін.
Біздің серіктес: FONBET
