"Барселонадағы" президент сайлауы 2021 жылы 24 қаңтарда өтеді, деп хабарлайды каталондық клубтың ресми сайты.
2020 жылдың 23 желтоқсанынан 2021 жылдың 11 қаңтарына дейін "Барселона" президенттігіне үміткерлер қол жинайтын болады. Белсенді сайлау науқаны қаңтардың 15 мен 22-сі аралығында өтеді. Сайлау тек Каталонияда ғана емес, сонымен қатар Мадрид, Севилья, Валенсия және Пальма-де-Мальоркада өтетіні хабарланды. Тек жарна төлейтін және клуб мүшесі саналатын "Барселонаның" жанкүйерлері ғана дауыс бере алады.
Естеріңізге сала кетейік, "Барселона" 9 кездесуде 14 ұпай жинап, Испания чемпионатының турнир кестесінде жетінші орында келе жатыр. Жарыстың көшбасшысы - "Реал Сосьедад", оның 11 ойында жинаған 24 ұпайы бар.
Біздің серіктес: FONBET
