Испанияның Барселона қаласында Mediterranean International Cup, яғни қазақша аударғанда Жерорта теңізі халықаралық кубогі деп аталатын жасөспірімдер арасындағы доп додасы басталды. Әлемнің азулы футбол клубтарымен бірге бұл турнирге биыл тұңғыш рет қазақ балалары да қатысуда.
Осымен он екінші жыл қатарынан ұйымдастырылған дәстүрлі турнирге «Реал», «Барселона», «Манчестер юнайтед», «Арсенал», «Аякс» сынды футбол клубтарының жеткіншектерімен бірге биыл Алматының «Қайраты» да доп тебеді. 14 жасқа дейінгі балалардың арасында сынға түсетін «Қайраттың» бүлдіршіндері өздерінің турнирдегі алғашқы ойынын өткізіп те үлгерді. Дода қожайындары «Барселонамен» кездескен жерлестеріміз 0:3 есебімен жеңіліп қалды. Енді жас «қайраттықтар» Финляндияның «Вантаа» және Испанияның «Леида Еспортио» командаларымен кездеседі.
Жалпы, ақпарат көздеріне сүйенсек, Барселонаға барлығы 40 елден 220 клуб жиналыпты. Футболшылардың саны бес мыңға жуық көрінеді. Турнир сәуірдің 9-ына дейін жалғаспақ. Ойындарға қонақ ретінде Лионель Месси, Сеск Фабрегас, Херард Пике, Серхио Бускетс (бәрі де – Барселона), Марсело (Реал), Абу Диаби (Арсенал), Лукас Лейва (Ливерпуль) сынды футболшылар шақырылған екен.
Автор: Асфендияр ЖАНАДІЛ
алаш айнасы
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
