"Тараз" сапына ауысқан 27 жастағы қазақстандық қорғаушы Берік Шаихов клубтың баспасөз қызметіне берген сұхбатында өзінің жамбылдық командаға ауысуының себебі туралы айтып берді.
- Берік, "Тараздың" ұсынысы сізді несімен қызықтырды?
- Клубтың ойыншыларға өте жақсы жағдай жасайтыны - жаттығу мен ойынға мүмкіндік беретін қажет нәрсенің бәрі осында. Мен білікті футболшылардан құралған команданың ұмтылысын және тағы бір маңызды фактор - Армения құрамасымен жақсы нәтижелерге қол жеткізген танымал бас бапкер Вардан Минасянды атап өткім келеді.
- «Тараз» туралы не білесің?
- Мен бұл клубтың үлкен дәстүрлері бар екенін және көп жылдық тарихы бар қаланың командасы екенін білемін. Мұнда техникаға баса назар аударылады, көптеген танымал ойыншылар мен жаттықтырушылар осы жерден шыққан.
- Сіз жаңа командада біреуді танисыз бе?
- Ия, мен көптеген ойыншыларды білемін. Мысалы, Әлішер Сүлейді жастар құрамасындағы ойындарынан білемін. Біз Елдос Ахметовпен және Бауыржан Байтанамен жақсы араластық. Бір командада ойнайтынымызға өте қуаныштымын!
"Тараз" КФК баспасөз қызметі
