"Лестер" - "Брайтон"
"Лестер" өткен турда "Уотфордпен" тең түсті. 89-минутта гол соғып, Чилуэлдің арқасында жеңісті тойлаймыз деп ойлаған. Бірақ, "Уотфорд" оңай беріле салмады. Бір бұрыштаманы сәтті пайдаланып кетті. Негізі "Лестер" жақсы ойнады. Енді осы турда Брендан Роджер командасын тек жеңіске жетелейді. Ол түсінікті. Өткен ойында кеткен қателіктер бұл жолы қайталана қоймас. "Лестер" тоталы 1 көп, "Лестер" жеңісі деген болжамдарға тоқтап отырмын. Өйткені, "Лестерді" қуып "Челси" өкше басып тұр.
"Тоттенхэм" - "Вэст Хэм"
Жозе көке Моуриньоның өткен турда қатты ашуланғанын көрдік. Жүйкесі сыр беріп, төрешілерді сыбап, ВАРды боқтап, балажкаларды теуіп бұрқан-талқан болды. "Манчестермен" өткен ойынды лондондық ұжым 1:1 тең аяқтады. Оған да шүкір. Себебі, төреші МЮге тағы бір пенальти берген. Қайта, кейін қателескенін мойындап, 11 метрлікті алып тастады. Енді осы турда Хари Кэйн бастаған сайыпқырандар "Вест Хэммен" кездеседі. Ол бір қатты ойнайтын команда емес. Оларды жеңуге болады. Менің ойымша жеңіс "Тоттенхэмдікі". Болмай бара жатса ФОра 1 к (0).
"Леванте" - "Атлетико" Мадрид
Диего Коста өткен турда гол салмады. Бәлкім осы матчта бағы жанатын шығар. Шынын айтқанда соңғы матчта "Атлетико" әупірімдеп жүріп жеңіске жетті. Диего Симионе әбден әбігер болды. Енді ол мінезді адам, біраз сөгіс айтқан шығар деп отырмыз. Жігіттер, ойланып, сабырмен шығып, осы жолы таза жеңісті тіркеуі тиіс.
"Вальядолид" - "Хетафе"
"Хетафе" өткен жолы айбар көрсеткен "Эйбармен" тең түсті. Қайта ВАР болып, құдай сақтады. Әйтпесе жеңіліп те қалатын еді. Біздің Неманья Максимович дер кезінде алға ұмтылыпты да, қарсыластың шабуылшысы оффсайдта қалып қойыпты. Осы жолы "Хетафе" гол соғады. Молина бар, Мата бар. Оның үстіне бұл команда еурокубокты аңсап жүр. Биыл жақсы мүмкіндігі бар. Демек, осы матчта "Хетафе" бәрін салады.
Бонус: "Наполи" сырт алаңда "Веронаны" жеңеді. Ал "Барса" - "Атлетик" Бильбао матчына өздеріңіз не айтасыздар?
