Бүгін Қостанайда Қазақстан Премьер-Лигасының 20-турының шегерілген матчында жергілікті «Тобыл» елордалық «Астананы» қабылдайды.
Ойын 19:00-де басталады. Кездесуді «Qazsport» телеарнасы және KFF League YouTube-арнасы тікелей эфирде көрсетеді.
Айта кетейік, екі команда да турнир кестесінің көшбасшысы атағы үшін талас жүргізіп жатыр. «Астана» 47 ұпаймен екінші орында тұр. Ал «Тобыл» 44 ұпай жинап, үшінші орында орналасқан. Көшбасшылықты 49 ұпайы бар «Қайрат» сақтап тұр.
