"Челси" өзінің ресми сайтында "Реннің" қақпашысы Эдуард Мендидің ауысқанын жариялады. 28 жастағы сенегалдық футболшы Лондондық клубпен бес жылдық келісімшартқа қол қойды.
"Мен "Челси" сапына қосылғаныма өте қуаныштымын. Бұл таңғажайып команданың бір бөлігі болу және Фрэнк Лэмпардпен, оның жаттықтырушылар құрамымен жұмыс істеу мен үшін арман болатын. Мен командаластарыммен кездесіп, алаңға шығуды асыға күтемін", - деді Менди.
Бұған дейін Мендидің трансферлік құны Франция чемпионатында ойнайтын қақпашылар үшін рекорд болатыны (30 миллион еуро) хабарланған болатын.
Менди "Реннге" 2019 жылдың жазында "Реймс" клубынан ауысып келді. Трансфер құны 4 миллион еуроны құрады. Өткен маусымда 28 жастағы сенегалдық футболшы Франция чемпионатының 24 матчына қатысты (барлығы - бірінші құрамда), 19 гол жіберіп алды, сонымен қатар бір сары қағаз алды. Қақпашы Сенегал құрамасына 2018 жылдан бастап шақыртылып келеді. Ұлттық құрама сапында 8 матч өткізіп үлгерді.
Біздің серіктес: FONBET
