Сенегалдық қақпашы Эдуард Менди «Челси» сапында төртінші кездесуін өткізіп үлгерді. Кеше, 24 қазанда ол өз командасына Премьер-Лиганың 6-турындағы «Манчестер Юнайтедпен» болған ойында (0:0) бір ұпай алуға көмектесті.
Өзінің қақпасын «Олд Траффордта» құрғақ ұстаған Менди қатарынан үшінші матчта гол жіберген жоқ. Алдыңғы екі ойында ол Чемпиондар Лигасында «Севильяға» қарсы ойында (0:0) және Премьер-Лиганың 5-турында «Кристал Пэласпен» болған матчта (4:0) гол жібермеді.
Одан бөлек, «ақсүйектердің» тағы бір қақпашысы Кепа Аррисабалага осы маусымда 3 ойында 6 гол жіберіп алды. Ол «Саутгемптон» (3:3), «Ливерпуль» (0:2) және «Брайтон» (3:1) клубтарымен болған матчта "Челси" қақпасын қорғаған еді.
«Челси» келесі кездесуін 28 қазанда өткізеді. Фрэнк Лампард шәкірттері Чемпиондар лигасының топтық кезеңінде «Краснодарға» қарсы ойнайды.
Біздің серіктес: FONBET
