Чемпиондар Лигасы мен Еуропа Лигасының осы аптадағы үздік ойыншысы белгілі болды

«Баварияның» шабуылшысы Кингсли Коман осы аптадағы Чемпиондар лигасының үздік футболшысы атанды, деп хабарлайды УЕФА-ның баспасөз қызметі.

Дауыс беру кезінде 24 жастағы француз ойыншысы «Ювентус» шабуылшысы Альваро Моратаны, «РБ Лейпцигтің» қорғаушысы Анхелиньо мен «Шахтердің» жартылай қорғаушысы Тетені басып озды.

Чемпиондар лигасының топтық кезеңінің 1-тур матчында «Бавария» Мадридтің «Атлетикосын» қабылдаған болатын. Коман кездесудің басты қаһарманының біріне айналды, екі гол соғып, бір нәтижелі пас берді. Нәтижесінде Мюнхендік команда 4:0 есебімен жеңіске жетті.

Еске салайық, «Бавария» Чемпиондар лигасының қазіргі жеңімпазы. Өткен маусымда команда барлық маңызды кубоктарды жеңіп алды, соның ішінде Германия чемпионы және ел кубогының иегері атанды.

"Лилль" мен Түркия ұлттық құрамасының шабуылдаушы жартылай қорғаушысы Юсуф Языджи осы аптаның қорытындысы бойынша Еуропа лигасының ең үздік футболшысы атанды, деп хабарлайды УЕФА баспасөз қызметі.

Дауыс беру кезінде 23 жастағы жартылай қорғаушы «Бенфиканың» шабуылшысы Дарвин Нуньесті, «Лестер Ситидің» шабуылшысы Келечи Ихеаначоны және «Вильярреалдың» жартылай қорғаушысы Такефасо Кубоны артқа тастады.

Еуропа Лигасының бірінші турындағы матчта «Лилль» сырт алаңда Прагалық «Спарта» командасымен ойнады. Юсуф Язиджи хет-трик жасап, командасына қарсыласын 4:1 есебімен жеңуге көмектесті.

«Лилль» Франция чемпионатында 17 ұпаймен бірінші орында тұр. Команда жеті турда 13 гол соқты, тек екі гол жіберіп алды.