Алматылық "Қайраттың" Финляндиялық жартылай қорғаушысы Яакко Оксанен клубтың алдағы маусымға деген жоспарларымен бөлісті, деп хабарлайды Aladop.kz.
SPORT+ сайтына берген сұхбатында легионер команданың жанкүйерлер алдындағы жауапкершілігі мен халықаралық аренадағы амбициясы туралы айтты.
Оксанен жаңа маусымның шымылдығын ашатын Суперкубок бәсекесінің маңыздылығына тоқталды:
"Мен Суперкубок жолындағы жеңістің жанкүйерлер мен Алматы қаласы үшін қаншалықты құнды екенін жақсы түсінемін. Сондықтан біз бұл матчта міндетті түрде жеңіске жетуіміз керек.” — деді футболшы.
Өткен маусымда алтыннан алқа таққан “Сары-Қаралар” биыл да биіктен көрінуді көздейді. Оксаненнің айтуынша, команданың алдында екі үлкен міндет тұр:
– Алтынды сақтап қалу: Қазақстан чемпионатындағы чемпиондық атақты қорғап, көшбасшылықты бермеу.
– Еуропада сәтті өнер көрсету: Еурокубоктарда лайықты ойын көрсетіп, жанкүйерлерді қуанту.
