Дастан Сәтпаевтың "Копенхагенге" қарсы матчтағы әрекеті УЕФА-ның тәртіптік нормаларына қайшы, деп хабарлайды Aladop.kz.
Бас бапкері Рафаэль Уразбахтин “Копенхагенге” қарсы кездесуден кейін тосын мәлімдеме жасады. Оның айтуынша, ол Сәтпаевтан әдейі сары қағаз алуды сұраған, себебі дисквалификация кезінде ойыншының медициналық тексерістен өтуіне мүмкіндік туады.
Бұл сөздер баспасөзде және сарапшылар арасында үлкен резонанс тудыруда, себебі дәл осындай қасақана жасалған әрекет УЕФА тәртіптік регламентіне сай емес.
УЕФА-ның Тәртіптік регламентіндегі 10-баптың D тармағына сәйкес қасақана алынған сары не қызыл қағаз үшін екі матчқа дейінгі дисквалификациямен немесе белгілі бір мерзімге шеттетілу жазасы тағайындалады.
