Дастан
«Қайрат» футбол клубының шабуылшысы Дастан Сәтпаев бүгін түнде дәрігерлердің ұсынысы бойынша қосымша медициналық қаралу үшін Доха қаласына жол тартпақ.
Бұл туралы алматылық команда баспасөз-қызметі мәлімдеген болатын.
Футболшының жарақатына байланысты жағдайы мен қалпына келу барысы туралы қосымша ақпарат кейінірек жарияланады делінген. Айта кетейік, 17 жасар футболшы ӘЧ-2026 іріктеуіндегі Лихтенштейн мен Солтүстік Македонияға қарсы ойындарға қатысатын футболшылардың кеңейтілген тізімінде болған. Алайда, соңғы сәтте жарақаты бары анықталып, шет қалды. Клуб ойыншының тез сауығып, алаңға қайта оралуына тілектестік білдірді.
