Сауд Арабиясының “Әл-Наср” клубы соңғы жылдары Ағылшын Премьер лига ойыншыларын жиі сатып алуда. Клубтың ең жарқын трансфері – Криштиану Роналдудың “Манчестер Юнайтедтен” келуі болған еді. Сонымен қатар, олар Аймерик Ляпорт, Жон Дуран және бұрынғы “Челси” жастарының бірі Анжело Габриэлді де өз қатарына қосқан.
Соңғы уақытта “Әл-Насрдың” келесі нысанасы ретінде “Челси” жартылай қорғаушысы Мойсес Кайседоның есімі атала бастады. Бұл трансфер “Челси” клубының қаржылық тепе-теңдігін сақтау үшін тиімді болар еді деген болжамдар болды. Себебі команда Чемпиондар лигасына жолдама ала алмаса, жазда бірнеше ойыншымен қоштасуға мәжбүр болуы мүмкін.
Алайда, “Челси” Кайседоны сатуға үзілді-кесілді қарсы, және бұл шешім клубтың жаңа жобаларымен, соның ішінде Қазақстандық жас талант Дастан Сәтпаевтың дамуы мен болашағымен де тығыз байланысты болуы мүмкін.
Кайседо – Дастан сияқты жас ойыншылар үшін үлгі болатын, жоғары деңгейде өнер көрсетіп жүрген футболшы. Бас бапкер Энцо Мареска да оны ерекше бағалайды:
“Ол қазіргі таңда әлемдегі ең үздік қорғаныста ойнайтын жартылай қорғаушылардың бірі. Оның еңбекқорлығы, қарапайымдылығы және сыпайылығы – нағыз кәсіпқойдың үлгісі.”
2023 жылдың жазында “Челси” Кайседоны “Брайтоннан” 115 миллион фунт стерлингке алып келген еді – бұл Премьер лига тарихындағы рекордтық сома. Ол өткен маусымда “Челси” сапында 35 матчқа қатысып, биыл да әрбір ойында негізгі құрамда ойнап келеді. Сонымен қатар, екі лига және екі кубок матчында капитандық міндетті атқарған.
Мұндай тұрақтылық пен көшбасшылық қасиет Сәтпаев сияқты жас ойыншыларға үлкен сабақ болмақ. Дастан Сәтпаевтың болашағына Кайседо секілді мықтылармен қатар жаттығу, кәсіби дамуына үлкен серпін береді.
Қорытындылай келе, “Челси” Кайседоны командада сақтап қалу арқылы клубтың құрылымдық тұрақтылығын сақтамақ. Бұл жағдай Дастан Сәтпаевтың болашағына оң әсерін тигізеді – ол үздік футболшылармен бір ортада тәжірибе жинап, болашақта негізгі құрамға енудің нақты мүмкіндігіне ие болмақ.
Айболат Өнер
Біздің серіктес: FONBET
