АҚШ Президенті Дональд Трамп Өзбекстан басшысы Шавкат Мирзиёевпен телефон арқылы сөйлесу барысында Өзбекстан ұлттық құрамасының 2026 жылғы футболдан әлем чемпионатында өнер көрсетуіне байланысты пікірін білдірген.
Өзбекстан Президентінің баспасөз қызметі:
— «Қуанышпен атап өтілгендей, келесі жылы АҚШ-та өтетін футболдан Әлем чемпионатына алғаш рет Өзбекстан ұлттық құрамасы қатысады. АҚШ көшбасшысы біздің құрамаға шын жүректен сәттілік тіледі», — деп мәлімдеді.
Футболдан Әлем чемпионаты 2026 жылдың 11 маусымы мен 19 шілдесі аралығында АҚШ, Канада және Мексикада өтеді. Бұл турнир тарихында алғаш рет 48 құрама бақ сынайды (бұған дейін 32 құрама қатысқан).
