Германия ұлттық құрамасы мен француздық "ПСЖ"-ның жартылай қорғаушысы Юлиан Дракслердің агенті Роджер Виттман, клиентінің осы трансферлік терезеде басқа клубқа ауысуын жоққа шығарды. Оның алдында француздық грандтың ішкі біріншіліктегі басты қарсыластарының бірі "Монаконың" талантты жас шабуылшысы Киллиан Мбаппені сатып алуы мүмкін деген ақпарат пайда болған еді. Егер де бұл мәміле болған жағдайда, париждік клубқа фэйр-плэй ережесін бұзбау үшін өзінің бірқатар футболшыларын сатуға тура келеді . Солардың тізімінде Дракслер де жоқ емес.
"ПСЖ" әр позицияда әлемнің ең мықты деген футболшыларынан құрам жасақтауда. Бұл тізімге Юлиан да кіреді, әрі ол осы команданың бөлігі болып қала бергісі келеді. Сондықтан ол ешқайда кетпейді" - дейді Виттман L`Equipe басылымына берген сұхбатында.
23-жастағы футболшының келісімшарты 2021-ші жылдың жазында аяқталады.
Руслан Мералиев
