Санкт-Петербургтің басты клубы қысқы трансферді сәтті пайдаланып қатарына 3 бірдей жаңа ойыншыны шақырмақшы. Сондықтан, Манчини келгелі негізгі құрамнан шет қалған Дзюба мен Шатов Біріккен Араб Әмірліктерінде өтетін жаттығу жиынына бармай, «Зенит-2» яғни қосалқы командаға ауыстырылды. «Спорт-Экспресстің» мәліметіне сүйенсек екі ойыншыға да мәскеулік «ЦСКА» қызығушылық танытып отыр. Клуб Шатовтың өкілдерімен кездесіп, оны маусым соңына дейін жалға алу жағын шешіп қойған. Ал Дзюбаның мәселесі әлі ашық күйде қалып отыр. Төрткүл дүние көз тігетін әлем біріншілігінің ауылы алыс емес. Сондықтан, екі футболшы да жарысты теледидар алдында отырып тамашалағысы келмесе, бабын келістіру үшін бар мүмкіндікті пайдалануға барын салатыны анық.
Айбек ҚОСАН
Біздің серіктес: FONBET
