Ел футболында тағы бір қуанышты жаңалық. Бұл жолы ұзағынан болғай деп тілейік. Елімізде тағы бір футбол академиясының іргетасы қаланды. "Рух" атты бұл футбол академиясы Нұр-Сұлтан және Түркістан қалаларында өзінің алғашқы тәрбиеленушілерін қабылдап, жаттығу жұмыстарын бастап та кетті.
Академия еуропалық үлгіде және бразилиялық футболдың дәмі бар жүйені пайдалана отырып жаттығу жұмыстарын жүргізеді. Алдына қойған мақсаттары алдағы үш жылда кәсіпқой лигаға өз командасын қосу екен. Сондай-ақ өзінің төл шәкірттерін команда жұлдызы қылып, басқа клубтарға сату, ұлттық құраманы нығайтатын ойыншылар шығару екендін түсіну қиын емес. Бұл қазіргі футболдың айнымас заңдылығы. Осы жайт ел футболына тың серпіліс болады деген үміт те жоқ емес.
"Рух" футбол академиясының құлашын кеңге жайып, басқа да ірі қалаларда академиясының тұсауын кесіп, Қазақстанның түкпір-түкпірінен таланттарды жинайды деген сенімдеміз. Иә, бұл академия туралы көптеп жазуға болады. Дей тұрғанмен енді ғана алғашқы қадамдарын жасап бастаған академияға сәттілік тілеп, тіл-көзден аман болсын дейік.
Серікбол Нақысбек
Біздің серіктес: FONBET
