Қазақстан Премьер лигасының 24-турында Семейдің "Елімайы" өз алаңында "Ордабасыны" 2:1 есебімен тізе бүктірді.
Матч басында-ақ Шымкенттік команда жылдам гол соғып, есепте алға шықты. 3-минутта Эльхан Астанов мергендігімен көзге түсті. Алайда "Елімай” бұл соққыдан кейін ойынға толық кірісіп, қарқынын арттырды.
84-минутта Рамазан Оразов таразы басын теңестіріп, матчқа жаңа серпін берді. Ал шешуші сәт қосымша уақыттың алтыншы минутында орын алды. Роман Муртазаев жеңіс голын соғып, "Елімайға” маңызды үш ұпай сыйлады.
