«Ордабасы» футбол клубы қазақстандық жартылай-қорғаушы Еркебұлан Тұңғышбаевпен келісім-шартқа отырды.
Еркебұлан шымкенттік футболдың тәрбиеленушісі болып табылады, кәсіби футболда алғаш рет «Ордабасымен» еңбек-шартына отырған. Кейін 2019-жылдан бастап, екі жыл алматылық «Қайрат» сапында өнер көрсетті. Премьер-Лигада 171 ойын өткізіп, 22 гол соқты, 20 нәтижелі пас берді.
Қазақстан ұлттық құрамасы сапында 10 кездесу өткізіп, 1 голмен көзге түскен. «Қайратпен» бірге Премьер-лига чемпионы және вице-чемпионы атанған (2020, 2019), сонымен қатар «Ордабасы» сапында қола жүлдегер атанған (2017).
