ҚФФ президенті Марат Омаров әлемдік футбол қауымдастығы елімізге үлкен жобамен келе жатқанын алға тартты.
Қазақстан Футбол Федерациясының президенті - Марат Омаров:
“Біз өз тарихымызда алғаш рет FIFA көмегімен Қазақстанда 100 жаңа жасыл алаң құрылысын бастауға рұқсат алдық. Футбол қауымдастығы өз есебінен ауыл-аймақтағы мекендерге спорттық алаңшалар салып береді.
Қазірде біз жасыл алаңдардың қайда болатыны жайында ақылдасудамыз. Алдағы 2 жылда жоба толығымен қолданысқа берілуі керек. Алғашқы футбол нысандары Хромтау мен Көкшетау қалаларында бой көтермек”.
