Франция - Израиль матчына болжам

Дидье Дешамның Франциясы бүгін қонақтарды аямайды. Қос команданың бірінші бәсекесі франциялықтардың сенімді жеңісімен аяқталған еді (1:4). Оның үстіне Франция Ұлттар Лигасының екі туры қалғанда Италиядан бір-ақ ұпай қалып келеді. Сондықтан, алаң иелерінің бүгін үш ұпайдан басқаны ойламайтыны анық. Бірақ, қорғанысы керемет емес. Дешамның қорғаушылары төрт турдың бір-ақ бәсекесінде ғана қақпаларын голдан аман алып қала алмаған: үшінші турдағы Бельгиямен өткен ойынды айтамыз - 2:0. Ал қалғанының барлығында  бір-бір доптан жіберіп отырған. Италия мен Бельгияны айтпағанда Израильдің өзі де гол салып кеткен еді. Алаң иелерінің құрамына келер болсақ Килиан Мбаппенің ойнамайтынын ерекше атап өтуге болады. Бұдан бөлек Фофана, Тчуамени секілді негізгі ойыншылардың да орындарының ойсырап тұрғаны анық. Алайда, Франция қашан да Франция, олар Италиядан қара үзіп қалмау үшін бүгін 00:45-те басталатын бәсекені ұту үшін барын салады.

Израиль алдын-ала болжанғандай-ақ топтағы ең әлсіз команда статусын «ақтап» отыр. Төрт турда 14 доп жібергенімен әр матчта гол соғуда. Ран Бен-Симонның командасы бүгін де қарсылас қақпасынан саңылау тауып кететін сыңайлы. Бұл жорамалымызды әсіресе, Францияның соңғы кездегі қорғаныс шебіндегі сенімсіз ойыны нықтай түсетіндей. Ал жалпы турнирлік кестедегі жағдайына келсек, Израильдің келесі маусымды басқа лигада өткізетіні осы қазірдің өзінде-ақ түсінікті.

Біздің болжам – Францияның жеңісі және екі команда да гол ұрады деген нұсқа. Фонбет.кз бұған 2.90 коэфициент беріп тұр.