Марио Балотелли
34 жастағы италиялық форвард Марио Балотелли өзінің футболдағы басты арманының әлі орындалмағанын айтты.
34 жастағы италиялық футболшы La Gazzetta dello Sport басылымына берген сұхбатында «Орындамаған армандарыңыз қалды ма?» деген сұраққа: «Мадридтік «Реалда» ойнау» деп жауап берді.
Балотеллидің соңғы клубы — «Дженоа», онымен болған келісімшарты 2025 жылдың 1 шілдесінде аяқталды. 2024/25 маусымында шабуылшы 6 матчқа қатысып, нәтижелі әрекеттерімен көзге түспеді.
Сонымен қатар футболшы Түркияның «Адана Демирспор», «Сьон», «Монца», «Брешиа», «Лумедзане», «Марсель», «Ницца» және «Ливерпуль» клубтарында да өнер көрсетті.
Transfermarkt порталы ойыншының трансферлік құнын 500 мың еуро деп бағалайды.
