Ғалымжан Кенжебек Кипр чемпионатындағы үшінші голын салды

Отандасымыз Кипрдің екінші дивизионының алтыншы тур аясында болған «Акритас Хлоракас» - «Спартакос Китиу» кездесуін негізгі құрамда бастап, 16-минутта мергендігімен көзге түсті. Бұл Қазақстан жастар құрамасының жартылай қорғаушысының «Акритас» сапындағы үшінші добы. Матчтың өзіне келер болсақ, Ғалымжан Кенжебектің клубы 3:1 есебімен жеңіске жетті. 

«Қайрат» академиясының түлегі кипрлік клубтан бөлек, «Мақтарал», «Жеңістің» жейдесінде де өнер көрсеткен. Сондай-ақ, Ғалымжан Кенжебектің Ресейде «Краснодардың» қаралымынан өткендігі де белгілі.